പാലാ: കേന്ദ്ര–സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെ കെപിസിസി പ്രസിഡന്റ് സുധാകരൻ എംപിയും പ്രതിപക്ഷ നേതാവ് വി ഡി സതീശനും നയിക്കുന്ന സമരാഗ്നി ജാഥ ഫെബ്രുവരി 22 വ്യാഴാഴ്ച്ച 3:00 ന് പാലായിൽ എത്തിച്ചേരുന്നതിനോട് അനുബന്ധിച്ച് സംഘാടകസമിതി, സോഷ്യൽ മീഡിയ സബ് കമ്മിറ്റി, സ്വാഗതസംഘം കമ്മിറ്റി ഓഫീസിൽ കൂടി.
കമ്മറ്റി വൈസ് ചെയർമാൻ ബിബിൻ രാജ്, സ്വാഗതസംഘം ഓഫീസ് സെക്രട്ടറി തോമസുകുട്ടി നെച്ചിക്കാട്ട്, കൺവീനർമാരായ അർജുൻ സാബു പാലാ, ടോണി തൈപ്പറമ്പിൽ, ബിനോ ചൂരനോലി, കമ്മറ്റി അംഗങ്ങളായ നിബിൻ ടി ജോസ്, ജോൺസൺ ഡൊമിനിക്, അമൽ ജോസ്, അലക്സ് മാത്യു, ജോമിറ്റ് ജോൺ, കൃഷ്ണജിത്ത് ജിനിൽ, മാത്യുസ് സോജൻ, ആൽബിൻ ഷിബു എന്നിവർ സംസാരിച്ചു.
കേരളത്തിൽ ബിജെപിയും സിപിഎമ്മും രഹസ്യകൂട്ട് രൂപപ്പെടുത്തിയിട്ടുണ്ടെന്നും ഇതിനെതിരെ ജാഗ്രത പുലർത്തലാണ് ഈ തിരഞ്ഞെടുപ്പിലെ മുഖ്യ യുഡിഎഫ് അജൻഡയെന്നും പ്രഖ്യാപിച്ചു കൊണ്ടുള്ള സമരാഗ്നി ജാഥയാണ് വ്യാഴാഴ്ച്ച പാലായിൽ എത്തിച്ചേരുന്നത്.
