തിരുവനന്തപുരം∙ രാജ്യത്ത് ലോക്ഡൗൺ മേയ് മൂന്നുവരെ നീട്ടിയ പശ്ചാത്തലത്തിൽ കേരള പിഎസ്സി മേയ് 30 വരെയുള്ള പരീക്ഷകൾ മാറ്റിവച്ചു. ഏപ്രിൽ 16 മുതൽ മേയ് 30 വരെയുള്ള കാലയളവിൽ നടത്താൻ നിശ്ചയിച്ചിരുന്ന എല്ലാ ഒഎംആർ./ ഓൺലൈൻ/ ഡിക്ടേഷൻ/ എഴുത്തുപരീക്ഷകളുമാണ് മാറ്റിവച്ചിട്ടുള്ളത്.
പുതുക്കിയ തീയതി പിന്നീട് അറിയിക്കും. സ്ഥലം, സമയം എന്നിവ പുതുക്കിയ പരീക്ഷാതീയതിയോടൊപ്പം അറിയിക്കുമെന്നും പിഎസ്സി യുടെ ഔദ്യോഗിക ഫെയ്സ്ബുക്ക് പേജിലൂടെ വ്യക്തമാക്കി.
