മലപ്പുറത്ത് വണ്ടൂരില് 16കാരിയെ ശൈശവ വിവാഹം കഴിച്ച സംഭവത്തില് ഭര്ത്താവിനും പെണ്കുട്ടിയുടെ ബന്ധുക്കള്ക്കുമെതിരെ പോലിസ് കേസെടുത്തു. 6 മാസം ഗര്ഭിണിയായ പെണ്കുട്ടിയെ ചികിത്സക്കെത്തിച്ചപ്പോഴാണ് വിവരം പുറത്തറിയുന്നത്. പ്രദേശവാസികളെ അറിയിക്കാതെ രഹസ്യമായാണ് ഒരു വര്ഷം മുമ്പ് പെണ്കുട്ടിയുടെ വിവാഹം വണ്ടൂര് സ്വദേശിയായ ബന്ധുവായി നടത്തിയതെന്നാണ് വിവരം. എന്നാല് ഇക്കാര്യം അധികൃതരോ മറ്റോ അറിഞ്ഞിരുന്നില്ല.
ഗര്ഭിണിയായ പെണ്കുട്ടിയെ ചികിത്സക്കെത്തിച്ചപ്പോഴാണ് പ്രായപൂര്ത്തിയാവാത്ത കാര്യം അറിയുന്നത്. ഇതോടെ ആശുപത്രി അധികൃതര് ഇടപെട്ട് പൊലീസിനേയയും സിഡബ്ലൂസിയെയും വിവരമറിയിക്കുകയായിരുന്നു. ഗര്ഭിണിയായ പെണ്കുട്ടിയെ ചൈല്ഡ് ലൈന് പ്രവര്ത്തകര് സംരക്ഷണ കേന്ദ്രത്തിലേക്ക് മാറ്റി.
സംഭവത്തില് പോലീസിന് റിപ്പോര്ട്ട് നല്കിയിട്ടുണ്ടെന്ന് ചൈല്ഡ് ലൈഫ് പെല്ഫയര് കമ്മറ്റി ജില്ലാ ചെയര്പേഴ്സണ് പ്രതികരിച്ചു. പെണ്കുട്ടിയെ വിവാഹം ചെയ്ത വണ്ടൂര് സ്വദേശിക്കെതിരെ ശൈശവ വിവാഹ നിരോധന നിയമ പ്രകാരവും പോക്സോ നിയമ പ്രകാരവും കേസെടുക്കുമെന്നാണ് പോലീസ് നല്കുന്ന വിവരം.
.jpg)
.jpg)
