സീരിയല് നടി അശ്വതി ബാബുവും ഭര്ത്താവും അറസ്റ്റില്. അമ്മയെയും മകനെയും വീടുകയറി ആക്രമിച്ചതിനെ തുടര്ന്നാണ് ഇവരെ അറസ്റ്റ് ചെയ്തതെന്ന് പോലീസ് അറിയിച്ചു.
ലഹരിക്കേസില് ഉള്പ്പെടെ പ്രതിയാണ് അശ്വതി. ലഹരി ഉപയോഗിച്ചിരുന്നെന്നും അത് ഉപേക്ഷിക്കുന്നതിനായി ചികിത്സ തേടിയിരുന്നെന്നും അശ്വതി വെളിപ്പെടുത്തിയിരുന്നു. ഏതാനും ദിവസങ്ങള്ക്ക് മുമ്പായിരുന്നു സുഹൃത്ത് നൗഫലുമായുള്ള ഇവരുടെ വിവാഹം.
നായരമ്പലം സ്വദേശി കിഷോറിനെയും അമ്മയെയും വീടുകയറി ആക്രമിച്ചെന്ന പരാതിയിലാണ് അശ്വതിയെയും ഭര്ത്താവിനെയും അറസ്റ്റ് ചെയ്തിരിക്കുന്നത്. സാമ്പത്തിക തര്ക്കമാണ് ആക്രമണത്തിന് കാരണമെന്നാണ് വിവരം.
ഭവനഭേദനം, പൊതുസ്ഥലത്ത് അസഭ്യം പറയല്, ആയുധം ഉപയോഗിച്ചുള്ള ആക്രമണം തുടങ്ങിയ കുറ്റങ്ങള്ക്കുള്ള വകുപ്പുകള് ഇവര്ക്കെതിരേ ചുമത്തിയിട്ടുണ്ട്. അശ്വതിയെയും ഭര്ത്താവിനെയും ഇന്ന് കോടതിയില് ഹാജരാക്കും.
.jpg)
.jpg)
