പ്രതീകാത്മക ചിത്രം
ഇരുചക്ര വാഹനങ്ങളിൽ കുട്ടികളുമായി യാത്ര ചെയ്യുമ്പോൾ ഏറെ ശ്രദ്ധ പുലർത്തണമെന്ന് കേരളാ പോലീസ്. ബൈക്കുകളില് പെട്രോള് ടാങ്കിന്റെ മുകളില് ഇരുത്തിയും ഉറക്കിയും സ്കൂട്ടറുകളില് പ്ലാറ്റ്ഫോമില് നിര്ത്തിയുമൊക്കെ കുട്ടികളെ കൊണ്ടുപോകാറുള്ള കാഴ്ച സ്ഥിരമാണ്.
കുഞ്ഞു കുട്ടികളുമായി ബൈക്കില് യാത്ര ചെയ്യുമ്പോള് പരമാവധി ശ്രദ്ധപുലര്ത്തുക. ബൈക്കില് കുട്ടികളുമായി ദൂരയാത്ര ഒഴിവാക്കുക. കുട്ടികള് ഉറങ്ങിപ്പോകാനുള്ള സാധ്യത കൂടുതലാണ്.
കുട്ടികളുമായി യാത്ര ചെയ്യുന്നെങ്കില് കുട്ടികളെ ബൈക്ക് ഓടിക്കുന്നയാളുടെയും പിന്നിലെ യാത്രക്കാരന്റെയും ഇടയില് മാത്രം ഇരുത്തുക.
സിംഗിള് സീറ്റ് ബൈക്കുകളില് കുട്ടികളുമായി യാത്ര ചെയ്യാതിരിക്കുക. സ്കൂള് കുട്ടികള്ക്ക് ഹെല്മറ്റ് ഉപയോഗിക്കുക.
ചിലര് കുട്ടികളെ ഇരുചക്ര വാഹനത്തില് നിര്ത്തി യാത്ര ചെയ്യുന്നത് കാണാം. ഇതുമൂലം വാഹനത്തിന്റെ നിയന്ത്രണം നഷ്ടപ്പെട്ട് അപകടത്തില് പെടാനുള്ള സാധ്യത കൂടുതലാണ്.
