കാവുംകണ്ടം: കാവുംകണ്ടം സെന്റ് മരിയ ഗോരെത്തി ഇടവകയിൽ ക്രിസ്മസിന് മുന്നോടിയായി ഇടവകയിലെ എല്ലാ ഭവനങ്ങളിലും ക്രിസ്തുമസ് കരോൾ നടത്തുന്നു. ഡിസംബർ 16 വെള്ളിയാഴ്ച മുതൽ 20 ചൊവ്വാഴ്ച വരെ എല്ലാ ഭവനങ്ങളും സന്ദർശിച്ച് ക്രിസ്തുമസ് ആശംസ കൈമാറും.
ഇടവകയിലെ എസ്.എം.വൈ.എം, എ.കെ.സി.സി, പിതൃവേദി എന്നീ സംഘടനകളുടെ നേതൃത്വത്തിൽ നടത്തുന്ന കരോൾ പരിപാടിയിൽ മതഭേദമന്യേ എല്ലാ ഭവനങ്ങളിലും ക്രിസ്തുമസ് വിളംബര സന്ദേശം എത്തിക്കും.
വികാരി ഫാ.സ്കറിയ വേകത്താനം, ജോയൽ ആമിക്കാട്ട്, അഭിലാഷ് കോഴിക്കോട്ട്, ഡേവിസ് കല്ലറക്കൽ, ജോഫിൻ തെക്കൻചേരിൽ, റോമി തയ്യിൽ, ജെസ്വിൻ ചാതിയാലിൽ, അജോ വാദ്യാനത്തിൽ, ജിത്തുമോൻ കുന്നുംപുറം, ജോയൽ സണ്ണി വട്ടയ്ക്കാട്ട് തുടങ്ങിയവർ പരിപാടികൾക്ക് നേതൃത്വം നൽകും.
