ഭാരവാഹികളുടെ സ്ഥാനാരോഹണവും വിവിധ പ്രൊജക്ടുകളുടെ ഉദ്ഘാടനവും

ലയൺസ് ക്ലബ് ഓഫ് ഭരണങ്ങാനം 2023-24 വർഷത്തെ ഭാരവാഹികളുടെ സ്ഥാനാരോഹണവും വിവിധ പ്രൊജക്ടുകളുടെ ഉദ്ഘാടനവും കെ.പി.എൻ ആർക്കേഡ് പനക്കപ്പാലത്ത് നടന്നു. പരിപാടികളുടെ ഉദ്ഘാടനം ക്ലബ്ബ് പ്രസിഡന്റ് ടോമി ജോസഫിന്റെ അദ്ധ്യക്ഷതയിൽ ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ആർ.ശ്രീകല നിർവഹിച്ചു. 

പുതിയ ഭാരവാഹികളുടെ സ്ഥാനാരോഹണം ലയൺസ് ഡിസ്ട്രിക്ട് 318 B യുടെ വൈസ് ഡിസ്ട്രിക്ട് ഗവർണർ ആർ.വെങ്കിടാചലം നിർവഹിച്ചു. കാലവർഷക്കെടുതിയിൽ വീടിന് നാശനഷ്ടം ഉണ്ടായ ഒരാൾക്ക് വീട് പുനർ നിർമാണത്തിന് 40000 രൂപയുടെ ചെക്ക് ഡിസ്ട്രിക്ട്  ചീഫ് പ്രോജക്ട് കോഡിനേറ്റർ സിബി മാത്യു പ്ലാത്തോട്ടം കൈമാറി. 

തയ്യൽ മെഷീനുകൾ പ്രൊജക്റ്റ് കോഡിനേറ്റർ ജോ പ്രസാദ് കുളിരാനി കൈമാറി. പുതിയ പ്രസിഡന്റ് സുരേഷ് കെപിഎനും വിവിധ സംഘടന നേതാക്കളും പ്രസംഗിച്ചു.