Hot Posts

6/recent/ticker-posts

പുനർ നിർമാണം കാത്ത് മൂന്നിലവ് കടവുപുഴ പാലം; തകർന്നിട്ട് 2 വർഷം




തകർന്നിട്ട്  രണ്ട് വർഷം തികയുമ്പോഴും പുനർനിർമ്മാണത്തിന് നടപടിയാകാതെ മൂന്നിലവ് കടവുപുഴ പാലം. രണ്ട് വർഷം മുൻപ് ശക്തമായ മഴയിലാണ് പാലം തകർന്ന് സഞ്ചാരയോ​ഗ്യമല്ലാതായത്. 


കോട്ടയം ജില്ലയിലെ മൂന്നിലവിനടുത്ത് 600 ഓളം കുടുംബങ്ങൾ ആശ്രയിച്ചിരുന്ന കടവ് പുഴ പാലമാണ് തകർന്ന് 2 വർഷം ആയിട്ടും നന്നാക്കാതെ കിടക്കുന്നത്. പാലം പുനർനിർമ്മിക്കണമെന്നാവശ്യപ്പെട്ട് പലവിധത്തിലുള്ള പ്രതിഷേധ നടപടികൾ ഉണ്ടായിരുന്നുവെങ്കിലും യാതൊരു ഫലവുമുണ്ടായില്ല.


മൂന്നിലവ് പഞ്ചായത്തിലെ നാല് വാർഡുകളിലായി വരുന്ന 600 ലധികം കുടുംബങ്ങളെ പുറംലോകവുമായി ബന്ധിപ്പിച്ചിരുന്നത് ഈ പാലം ആയിരുന്നു. മലവെള്ളപ്പാച്ചിലിൽ പാലം തകർന്നതോടെ ഇവിടുത്തുകാരുടെ ദുരിതവും തുടങ്ങി. 6 കിലോമീറ്റർ സഞ്ചരിച്ച് ടൗണിൽ എത്തിയിരുന്നവർക്ക് ഇപ്പോൾ 25 കിലോമീറ്റർ സഞ്ചരിച്ചാൽ മാത്രമേ ടൗണിലെത്താൻ സാധിക്കൂ.


സ്കൂളിൽ പോകുന്ന കുട്ടികൾ ഉൾപ്പെടെയുള്ളവർക്ക് തീരാദുരിതമായി പാലത്തിന്റെ ദുരവസ്ഥ ഇന്നും തുടരുകയാണ് എന്നത് അധികാരികളുടെ കെടുകാര്യസ്ഥതയുടെ നേർക്കാഴ്ചയായി മാറിയിരിക്കുകയാണ്. എന്ത് കാരണത്താലായാലും ജനങ്ങളെ ഇത്തരത്തിൽ ബു​ദ്ധിമുട്ടിലാക്കുന്നതിനെ ന്യായീകരിക്കാൻ കഴിയില്ല.

പാലം ഈ നിലയിലായതോടെ ഇലവീഴാപൂഞ്ചിറ ഇല്ലിക്കൽകല്ല് പോലുള്ള പ്രാദേശിക ടൂറിസ്റ്റ് കേന്ദ്രങ്ങളുമായി ബന്ധിപ്പിക്കുന്ന ഹ്രസ്വദൂര റോഡും ഇതോടെ ഉപയോഗിക്കാൻ കഴിയാതായി. ഇതിനിടയിൽ സഹകരണ മന്ത്രിയുടെ നേതൃത്വത്തിൽ സ്ഥലം സന്ദർശിക്കുകയും മൂന്നു കോടി രൂപ അനുവദിച്ചിരുന്നതായി അറിയിച്ചെങ്കിലും ഇതിൽ നടപടി  ഉണ്ടായില്ലെന്നും ആരോപണം ഉണ്ട്.  

Reactions

MORE STORIES

മീനച്ചിലാറ്റില്‍ രണ്ട് കുട്ടികളെ കാണാതായതായി വിവരം
INTUC മേഖല കമ്മിറ്റിയുടെ നേതൃത്വത്തിൽ തീക്കോയിൽ മെയ് ദിന റാലിയും പൊതുയോഗവും നടന്നു
പാലാ രൂപത പ്ലാറ്റിനം ജൂബിലി മിഷനറി മഹാസംഗമം: പന്തൽ കാൽ നാട്ടുകർമ്മം നടന്നു
വിഴിഞ്ഞം തുറമുഖം പ്രധാനമന്ത്രി രാജ്യത്തിന് സമർപ്പിച്ചു
പാലായിൽ ഉത്സവ മേളം തീർത്ത്‌ ഷിബുസ് മ്യൂസിക് ഇൻസ്ട്രമെൻറ്സ് ഷോപ്പിന്റെ ഉദ്‌ഘാടനം
മീനച്ചിലാറ്റിൽ കാണാതായ അമലിന്റെ മൃതദേഹം കണ്ടെത്തി
പോളിയോ ബാധിച്ച്‌ അരയ്ക്ക് താഴേയ്ക്ക് തളർന്ന 40 വയസുകാരൻ വേമ്പനാട്ടുകായൽ നീന്തി കീഴടക്കി
മീനച്ചിലാറ്റില്‍ കാണാതായ ഒരാളുടെ മൃതദേഹം കണ്ടെത്തി
മനക്കുന്ന് വടയാർ ക്ഷേത്രത്തിലെ ഈ വർഷത്തെ തിരുഉത്സവം മെയ് 7 മുതൽ 11 വരെ
ഫ്യൂച്ചർ സ്റ്റാർസ്: സൗജന്യ സിവിൽ സർവീസ് ഓറിയന്റേഷൻ ക്യാമ്പ് മെയ് 9 ന് ആരംഭിക്കും