കേന്ദ്രസർക്കാർ രാജ്യത്തെ കാവിവൽക്കരിക്കുന്നു; അഡ്വ സെബാസ്റ്റ്യൻ കുളത്തുങ്കൽ എംഎൽഎ

ഈരാറ്റുപേട്ട: ഒരു രാജ്യം ഒരു ഇലക്ഷന് ഒരു രാജ്യം ഒരു നിയമം എന്ന ആർഎസ്എസ് അജണ്ടകൾ നടപ്പാക്കുന്നത് വഴി കേന്ദ്ര സർക്കാർ രാജ്യത്തെ കാവിവൽക്കരിക്കുകയാണെന്ന് അഡ്വ. സെബാസ്റ്റ്യൻ കുളത്തുങ്കൽ എംഎൽഎ അഭിപ്രായപ്പെട്ടു. 

യൂത്ത് ഫ്രണ്ട് (എം) ഈരാറ്റുപേട്ട മുൻസിപ്പൽ മണ്ഡലം കമ്മിറ്റി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. യൂത്ത് ഫ്രണ്ട് എം ഈരാറ്റുപേട്ട മുനിസിപ്പൽ പ്രസിഡണ്ട് ആരിഫ് വാഴപ്പറമ്പിൽ അധ്യക്ഷത വഹിച്ചു. 

കേരള കോൺഗ്രസ് എം ഈരാറ്റുപേട്ട മണ്ഡലം പ്രസിഡണ്ട്  അഡ്വ. ജെയിംസ് വലിയവീട്ടിൽ, കേരള കോൺഗ്രസ് പൂഞ്ഞാർ നിയോജകമണ്ഡലം ജനറൽ സെക്രട്ടറി സോജൻ ആലക്കുളം, പി എസ് എം റംലി, ജാവ ഫൈസൽ, ഷാന കടപ്ലാക്കൽ, സാനിയോ ജെയിംസ്, അലൻ ബിജു, സഫൽ തെക്കേക്കര തുടങ്ങിയവർ സംസാരിച്ചു.