ചെമ്മലമറ്റം: 'ലഹരി ഉപേക്ഷിക്കു ജീവിതം സുന്ദരമാക്കു' എന്ന സന്ദേശവുമായി ചെമ്മലമറ്റം ലിറ്റിൽ ഫ്ളവർ ഹൈസ്കൂൾ നടത്തുന്ന വിവിധ പ്രവർത്തനങ്ങളുടെ ഭാഗമായി അന്യ സംസ്ഥാന തൊഴിലാളികൾക്ക് ബോധവൽക്കരണം നടത്തി.
വിവിധ സംസ്ഥാനങ്ങളിൽ നിന്നുള്ള തൊഴിലാളികൾക്കാണ് രണ്ടു ദിവസം ബോധവൽക്കരണ ക്ലാസ്സ് നടത്തി. ഹിന്ദി അധ്യാപിക അഞ്ജലി കെ രാജ് ക്ലാസ്സ് നയിച്ചു. തുടർന്ന് വിദ്യാർത്ഥികൾ ഹിന്ദിയിലുള്ള ലഘുലേഖകൾ വിതരണം ചെയ്തു.
അധ്യാപകരായ ജിജി ജോസഫ്, ഫ്രാൻസിസ് ജോസഫ്, പി.ടി.എ പ്രസിഡന്റ് ജിജി വെട്ടത്തേൽ തുടങ്ങിയവർ നേതൃത്വം നല്കി.
