റോഡ് നന്നാക്കാൻ നടപടിയില്ല! മാറിയിടം - കടപ്ലാമറ്റം നിവാസികൾ സമരത്തിന്

കുമ്മണ്ണൂർ - കടപ്ലാമറ്റം - വെമ്പള്ളി റോഡിന്റെ ശോചനിയാവസ്ഥ പരിഹരിക്കാത്തതിൽ ജനരോഷമുയരുന്നു. കഴിഞ്ഞ ഒന്നര വർഷകാലമായി കുമ്മണ്ണൂർ - കടപ്ലാമറ്റം റോഡ് പൊട്ടി പൊളിഞ്ഞ് ഗതാഗത യോഗമല്ലാത്ത രീതിയിൽ കിടക്കുകയാണ്. 

ഇരുചക്ര വാഹനങ്ങൾ ഈ കുഴിയിൽ വീണ് അപകടമുണ്ടാകുന്നത് ഒരു നിത്യസംഭവമായി മാറിയിരിക്കുകയാണ്. ഈ റോഡ് കൂടാതെ സൂര്യപടി - പ്രാർത്ഥനാഭവൻ റോഡും, മാറിയിടം - NSS കരയോഗ റോഡും പൊട്ടി പൊളിഞ്ഞു കിടക്കുകയാണ്.

അധികൃതരുടെ അനാസ്ഥക്കെതിരെ പ്രതിഷേധിച്ചുകൊണ്ട് ഞായറാഴ്ച രാവിലെ 8.15 ന് മാറിയിടം പള്ളിത്താഴെ പ്രതിഷേധയോഗം സംഘടിപ്പിക്കാൻ മാറിയിടം - കടപ്ലാമറ്റം നിവാസികൾ ഒരുങ്ങിയിരിക്കുകയാണ്.