കുന്നോന്നിയില്‍ വൈദ്യുതിബന്ധം നഷ്ടപ്പെട്ടാല്‍ ആ നിമിഷം ബി.എസ്.എന്‍.എലിന്റെ മൊബൈല്‍ കവറേജും നഷ്ടമാകും. കഴിഞ്ഞ മൂന്നുവര്‍ഷങ്ങളായി ബന്ധപ്പെട്ട ഡിപ്പാര്‍ട്ടുമെന്റില്‍ ആവലാതിയും പരാതിയും പറഞ്ഞുമടുത്തുവെന്ന് റെസിഡന്‍സ് വെല്‍ഫെയര്‍ കൗണ്‍സില്‍ പ്രസിഡന്റ് പ്രസാദ് കുരുവിള പറഞ്ഞു.
4ജിയും 5ജിയും ആക്കാന്‍ തിടുക്കം കൂട്ടുന്നവര്‍ ഇനി ബാറ്ററിയോ ജനറേറ്ററോ വാങ്ങി വച്ചിട്ട് പ്രചരണം നടത്തിയാല്‍ മതി. ജില്ലയില്‍ ഒട്ടുമിക്ക മേഖലകളിലെയും ഈ പ്രശ്‌നം പരിഹരിച്ചിട്ട് നാളുകളായി. എന്നാല്‍ വര്‍ഷങ്ങളായുള്ള പരാതികളില്‍ കുന്നോന്നി വിഷയത്തില്‍ പരിഹാരം കാണാത്തത് ബി.എസ്.എന്‍.എല്‍. ഉദ്യോഗസ്ഥരുടെ ധാര്‍ഷ്ട്യമാണ്. ഇത് വച്ചുപൊറുപ്പിക്കില്ല എന്നും പ്രസാദ് കുരുവിള പറഞ്ഞു.
ബാറ്ററി വിഷയത്തില്‍ ഈരാറ്റുപേട്ട ഡിവിഷനെ മാത്രം ഉന്നത നേതൃത്വം അവഗണിക്കുന്നുവെങ്കില്‍ ബി.എസ്.എന്‍.എലില്‍ നിന്നും പോര്‍ട്ട് ചെയ്ത് അവഗണിക്കാന്‍ ഉപയോക്താക്കള്‍ തയ്യാറാകുകയാണ്. വൈദ്യുതി തകരാറുകള്‍ പരിഹരിക്കാന്‍ ലൈന്‍ പകല്‍സമയം മുഴുവന്‍ ഓഫ് ചെയ്താല്‍ ഫോണ്‍ ബന്ധം പൂര്‍ണ്ണമായിട്ടും നഷ്ടപ്പെടുകയാണ്.
