മേലുകാവ്മറ്റം: മേലുകാവ് ഹെന്ററി ബേക്കർ കോളേജ് എൻ എസ് എസ് യൂണിറ്റും, കോളേജിലെ പൂർവ വിദ്യാർത്ഥികളും, ലയൺസ് ക്ലബ് ഓഫ് അരുവിത്തുറയും, പാലാ ബ്ലഡ് ഫോറവും, സംയുക്തമായി കോട്ടയം എസ് എച്ച് മെഡിക്കൽ സെന്ററിന്റെ സഹകരണത്തോടെ മെഗാ ബ്ലഡ് ഡൊണേഷൻ ക്യാമ്പും സൗജന്യ ഡയാലിസിസ് കിറ്റ് വിതരണവും നാളെ (ഫെബ്രുവരി 4) നടക്കും.
പരിപാടിയുടെ ഉത്ഘാടനം കോളേജ് പ്രിൻസിപ്പൽ പ്രഫ: ഡോക്ടർ ഗിരീഷ്കുമാർ ജി എസിന്റെ അധ്യക്ഷതയിൽ കോട്ടയം ജില്ലാ പഞ്ചായത്ത് മെമ്പർ അഡ്വ: ഷോൺ ജോർജ്ജ് നിർവഹിക്കുന്നു. ഡയാലിസിസ് കിറ്റ് വിതരണ ഉത്ഘാടനം ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് മാറിയാമ്മ ഫെർണാണ്ടസും മുഖ്യപ്രഭാഷണം മേലുകാവ് ഗ്രാമപഞ്ചായത്ത് പ്രസിഡന്റ് ജോസുക്കുട്ടി ജോസഫും നടത്തും.
ലയൺ ജില്ലാ ചീഫ് പ്രൊജക്റ്റ് കോർഡിനേറ്ററും, പൂർവ വിദ്യാർത്ഥി പ്രതിനിധിയുമായ സിബി മാത്യു പ്ലാത്തോട്ടവും, ഷിബു തെക്കേമറ്റവും ക്ലബ് പ്രസിഡന്റ് മനോജ് മാത്യു തുടങ്ങിയവർ പ്രസംഗിക്കും. എൻ എസ് എസ് പ്രോഗ്രാം ഓഫിസർമാരായ ഡോക്ടർ ജിബിൻ മാത്യുവും, ആഷ്ലി മെറീന മാത്യുവും പരിപാടികൾക്ക് നേതൃത്വം നൽകും.
