പാലായിലും സമീപ പ്രദേശങ്ങളിലും നിങ്ങളുടെ വിശേഷാവസരങ്ങൾ HD ലൈവ് സ്ട്രീം ചെയ്യുന്നതിനായി വിളിക്കൂ.. 85901 76743
പാലാ: ഏഴാച്ചേരി കാവിന്പുറം ക്ഷേത്രത്തില് രണ്ടു ദിവസമായി നടന്നുവന്ന ഇരട്ടമഹാലക്ഷാര്ച്ചനയ്ക്ക് ഭക്തിനിര്ഭരമായ സമാപനം. മുഖ്യ യജ്ഞാചാര്യന് സൂര്യകാലടി സൂര്യന് സുബ്രഹ്മണ്യന് ഭട്ടതിരിപ്പാടിന്റെ നേതൃത്വത്തില് അഷ്ടദ്രവ്യമഹാഗണപതി ഹോമത്തോടെയാണ് രണ്ടാം ദിവസത്തെ മഹാലക്ഷാര്ച്ചന ആരംഭിച്ചത്.
ശിവസഹസ്രനാമ അര്ച്ചനയാണ് ലക്ഷം ഉരുക്കഴിച്ചത്. കലശപൂജയും അര്ച്ചനാഭക്ഷണ വിതരണവും ഉണ്ടായിരുന്നു.
വൈകിട്ട് ലക്ഷാര്ച്ചന സമാപന ഭാഗമായി മന്ത്രസിദ്ധി വരുത്തിയ കലശം ഉമാമഹേശ്വര സന്നിധിയിലേക്ക് താളമേളങ്ങളോടെ എഴുന്നള്ളിച്ചു.
തുടര്ന്ന് കലശാഭിഷേകം, ലക്ഷാര്ച്ചന പ്രസാദ വിതരണം എന്നിവയും ഉണ്ടായിരുന്നു. മുഖ്യകാര്മ്മികന് സൂര്യന് സുബ്രഹ്മണ്യന് ഭട്ടതിരിപ്പാടിനും സഹകാര്മ്മികര്ക്കും ദക്ഷിണ സമര്പ്പിച്ചതോടെ ഇരട്ടമഹാലക്ഷാര്ച്ചനയ്ക്ക് പരിസമാപ്തിയായി.
.jpg)
.jpg)
