പട്ടാളക്കാര്ക്കായി സീതാ രാമത്തിന്റെ പ്രത്യേക ഷോയൊരുക്കി നടൻ ദുല്ഖര് സല്മാന്. പട്ടാളക്കാരുടെ ജീവിതവും പ്രണയവുമെല്ലാം പ്രമേയമാക്കിയെത്തിയ ചിത്രമാണ് സീതാരാമം. ഹൃദയസ്പര്ശിയായ നിമിഷങ്ങളാണ് ചിത്രത്തിലുള്ളതെന്ന് ചിത്രം കണ്ടിറങ്ങിയവർ പ്രതികരിച്ചു. ജീവിതാനുഭവങ്ങള് ചിത്രത്തില് പ്രതിഫലിച്ചിട്ടുണ്ടെന്ന് മറ്റൊരു ജവാന് പറഞ്ഞു. ദുല്ഖര് സല്മാന്റെ അഭിനയം മികച്ചു നിന്നുവെന്നും പാന് ഇന്ത്യന് ലെവലില് അഭിമാനിക്കാമെന്നുമാണ് മറ്റൊരാള് പ്രതികരിച്ചത്. പലസന്ദര്ഭങ്ങളും റിലേറ്റ് ചെയ്യാന് പറ്റിയെന്നും ഇവർ ഒരേസ്വരത്തിൽ പറഞ്ഞു.
ഓഗസ്റ്റ് അഞ്ചിനായിരുന്നു ദുല്ഖര് സല്മാന് നായകനായി എത്തിയ സീതാ രാമം പുറത്തിറങ്ങിയത്. എങ്ങും പികച്ച അഭിപ്രായങ്ങളാണ് ചിത്രം നേടിയിരിക്കുന്നത്. തെലുങ്ക്, മലയാളം, തമിഴ് എന്നിങ്ങനെ മൂന്ന് ഭാഷകളിലാണ് ചിത്രം പ്രദര്ശനത്തിനെത്തിയത്. ഹനു രാഘവപുടിയാണ് ചിത്രം സംവിധാനം ചെയ്തിരിക്കുന്നത്. ലെഫ്റ്റനന്റ് റാം എന്ന കഥാപാത്രത്തെയാണ് ദുൽഖർ അവതരിപ്പിച്ചത്. മൃണാള് താക്കൂറും രശ്മിക മന്ദാനയും ആയിരുന്നു നായികമാര്.
.jpg)
.jpg)
