അരുവിത്തുറ: ലയൺസ് ക്ലബ്‌ ഓഫ് അരുവിത്തുറയുടെ 2023-2024 വർഷത്തെ ഭാരവാഹികളുടെ സ്ഥാനാരോഹണവും വിവിധ പ്രൊജക്റ്റുകളുടെ ഉദ്ഘാടനവും മാണി സി കാപ്പൻ എം എൽ എ ഭരണങ്ങാനം ഓശാന മൗണ്ടിൽ നടന്ന ചടങ്ങിൽ നിർവ്വഹിച്ചു.'WE SERVE" എന്ന ആപ്തവാക്യം മുറുകെപ്പിടിച്ചുകൊണ്ട് 1917 ജൂൺ 7-ാം തീയതി മെൽവിൻ ജോൺസിന്റെ നേതൃത്വത്തിൽ ചിക്കാഗോയിൽ ആരംഭിച്ച ലയൺസ് പ്രസ്ഥാനം ഇന്ന് ലോകത്തിലെ ഏറ്റവും വലിയ സേവന സന്നദ്ധ സംഘടനയാണ്.
ഡിസ്ട്രിക്റ്റിലെ ഏറ്റവും മികച്ച ക്ലബ്ബ്, ഏറ്റവും നല്ല പ്രസിഡന്റ്, ഏറ്റവും മികച്ച സെക്രട്ടറി തുടങ്ങിയ സ്ഥാനങ്ങൾ നേടി. ക്ലബ്ബിന്റെ മുൻ പ്രസിഡന്റും നിലവിൽ ഡിസ്ട്രിക്ട് കോർഡിനേറ്ററുമായ ലയൺ സിബി മാത്യു പ്ലാത്തോട്ടം Most Outstanding പ്രസിഡന്റായും കഴിഞ്ഞ മൂന്നു വർഷമായി മൾട്ടിപ്പിൾ 318ലെ മികച്ച കോർഡിനേറ്റർ ആയി ആദരിക്കപ്പെട്ടു. ലയൺ ഓഫ് ദി ഇയർ അവാർഡും കരസ്ഥമാക്കി.
ഈ വർഷം 10 സേവന പ്രവർത്തനങ്ങൾക്ക് തുടക്കമിട്ടുകൊണ്ടാണ് നിയുക്ത പ്രസിഡൻ്റ് അരുൺ കുളമ്പള്ളിയുടെ നേതൃത്വത്തിൽ പുതിയ ഭാരവാഹികൾ സ്ഥാനമേറ്റത്. (ഇടമറുക് യു.പി സ്കൂളിന് 25000 രൂപ, MD CMS HS ഇരുമാപ്രമറ്റം സ്കൂളിന് 50,000 രൂപ, യോഗ ക്ലാസ് പ്രോത്സാഹനം 10000 രൂപ, ഭക്ഷ്യ ധാന്യ കിറ്റ് വിതരണം, സ്കൂൾ കുട്ടികൾക്ക് ബാഗും കുടയും, ഓർഫനേജ് കുട്ടികളു മായി വിനോദയാത്ര, വിശക്കുന്നവർക്ക് ആഹാരം, ഡയാലിസിസ് കിറ്റ് വിതരണം, അംഗൻവാടികൾക്ക് കളിക്കോപ്പുകൾ, സ്കൂൾ കുട്ടികൾക്ക് വായനയ്ക്കായി പത്രം, മികച്ച കുട്ടികൾക്ക് സ്കോളർഷിപ്പുകൾ)
ഈ വർഷം ക്ലബ്ബിന് സ്വന്തമായി ഒരു ആസ്ഥാനം നിർമ്മിക്കാൻ സാധിച്ചതും, ലയൺ പ്രൊഫ റോയ് തോമസ് കടപ്ലാക്കലും ലയൺ ഡോ. കുര്യാച്ചൻ ജോർജ്ജും ഈ വർഷം ക്ലബ്ബിന് വേണ്ടി ചെയ്ത സേവനങ്ങളും ക്ലബ്ബിന് ഇരട്ടി മധുരം നൽകി.
