ചന്ദ്രയാൻ നേട്ടത്തിന് പിന്നിൽ പ്രവർത്തിച്ച ഡോ.ഗിരീഷ് ശർമ്മയ്ക്ക് മാതൃവിദ്യാലയത്തിൽ സ്വീകരണം നൽകി

ചെമ്മലമറ്റം: ഓരോ ഭാരതീയനും അഭിമാനമായി മാറിയ ചന്ദ്രയാൻ- 3 ന്റെ വിജയത്തിന് പിന്നിൽ പ്രവർത്തിച്ച ഡോ.ഗിരിഷ് ശർമ്മക്ക് മാതൃവിദ്യാലയമായ ചെമ്മലമറ്റം ലിറ്റിൽ ഫ്ളവർ ഹൈസ്കൂളിൽ വിദ്യാർത്ഥികളും അധ്യാപകരും പൂർവ്വ വിദ്യാർത്ഥികളും ചേർന്ന് സ്വീകരണം നൽകി. ശാസ്ത്രത്തിന്റെ അനന്തസാധ്യതകൾ പുതിയ തലമുറ പരമാവധി പ്രയോജനപെടുത്തണമെന്ന് ഡോക്ടർ ഗീരിഷ് ശർമ്മ കുട്ടികളോട് പറഞ്ഞു.  

ചെമ്മലമറ്റം ലിറ്റിൽ ഫ്ളവർ ഹൈസ്കൂൾ പാരിഷ് ഹാളിൽ കൂടിയ പൊതുസമ്മേളനം പഞ്ചായത്ത് പ്രസിഡന്റ് ബിജി ജോർജ് ഉദ്ഘാടനം ചെയ്തു. സ്കൂൾ മാനേജർ ഫാദർ സെബാസ്റ്റ്യൻ കൊല്ലംപറമ്പിൽ അധ്യക്ഷത വഹിച്ചു. 

ഹെഡ് മാസ്റ്റർ സാബു മാത്യു, വാർഡ് മെബർ രമേശ് ഇലവുങ്കൽ, പിടിഎ പ്രസിഡന്റ് ജിജി വെട്ടത്തേൽ, ഷെറിൻ ബേബി തുടങ്ങിയവർ പ്രസംഗിച്ചു. തുടർന്ന് വിദ്യാർത്ഥികളുമായി അദ്ദേഹം സംവാദം നടത്തി.