പള്ളി മുറ്റത്തുവച്ച് വൈദികനെ വാഹനമിടിപ്പിച്ച് അപായപ്പെടുത്താൻ ശ്രമം! പൂഞ്ഞാർ പള്ളി അസിസ്റ്റൻ്റ് വികാരി ആശുപത്രിയിൽ
പൂഞ്ഞാർ സെൻ്റ് മേരീസ് ഫൊറോന പള്ളി അസിസ്റ്റൻ്റ് വികാരിയെ പള്ളിമുറ്റത്ത് വച്ച് വാഹനമിടിപ്പിച്ചെന്ന് ആരോപണത്തെ തുടർന്ന് നൂറ് കണക്കിന് വിശ്വാസികൾ പള്ളിയിൽ തടിച്ചുകൂടി. പള്ളിയിൽ കൂട്ടമണി മുഴക്കി. ഫാ. തോമസ് ആറ്റുചാലിലിനാണ് പരിക്കേറ്റത്.
വെള്ളിയാഴ്ച വൈകിട്ടോടെ പള്ളിമുറ്റത്ത് ഏതാനും യുവാക്കൾ ബൈക്ക് , കാർ റേസിംഗ് നടത്തിയത് ചോദ്യം ചെയ്തതിനെ തുടർന്നാണ് വാഹനം ഇടിപ്പിച്ചത്.
ഗേറ്റ് അടയ്ക്കാൻ ശ്രമിക്കുന്നതിനിടെയാണ് അപകടം. വെള്ളിയാഴ്ച ആരാധന നടക്കുമ്പോളാണ് സംഭവം. ഈരാറ്റുപേട്ട പോലീസും പാലാ ഡിവൈഎസ്പിയും സ്ഥലത്തെത്തി.
ഏഴ് കാറുകളും മൂന്ന് ബൈക്കുകളും ആയാണ് യുവാക്കളെത്തിയത്. കൈക്ക് പരിക്കേറ്റ വൈദികനെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു. പള്ളിമുറ്റത്ത് വിശ്വാസികളും, വൈദികരും പൂഞ്ഞാർ എംഎൽ എ സെബാസ്റ്റ്യൻ കുളത്തുങ്കൽ, ബി ജെ പി നേതാവ് പി സി ജോർജ്ജ് ഉൾപ്പെടെയുള്ളവരും പ്രതിഷേധ യോഗം ചേർന്ന് അക്രമികളെ അറസ്റ്റ് ചെയ്യണമെന്ന് ആവശ്യപ്പെട്ടു. സംഭവവുമായി ബന്ധപ്പെട്ട് ആറു യുവാക്കളെ പോലീസ് അറസ്റ്റ് ചെയ്തിട്ടുണ്ട്.
0 Comments