ഇലഞ്ഞി: ഈ വർഷത്തെ പ്ലസ് ടു പരീക്ഷയിൽ ഹ്യൂമാനിറ്റീസ് വിഭാഗത്തിൽ 1200 ൽ 1200 മാർക്ക് നേടി രാമപുരം താഴാനിയിൽ അനഘ രാജിവ് മികവ് തെളിയിച്ചു. രാമപുരം സെൻറ് അഗസ്റ്റിൻസ് ഹയർസെക്കൻഡറി സ്കൂളിലാണ് അനഘ തന്റെ പഠനം പൂർത്തിയാക്കിയത്. മികച്ച വിദ്യാർത്ഥികളെ ആദരിക്കുന്നതിന്റെ ഭാഗമായി വിസാറ്റ് ആർട്സ് ആൻഡ് സയൻസ് കോളേജിൽ സംഘടിപ്പിച്ച എക്സലൻസ് 2025 ചടങ്ങിൽ അനഘ പ്രത്യേക ആദരവ് നേടി.
കോളേജ് പ്രിൻസിപ്പൽ ഡോ. രാജു മാവുങ്കലിൻ്റെ അധ്യക്ഷതയിൽ കൂടിയ അനുമോദന ചടങ്ങിൽ മെഡലും സർട്ടിഫിക്കറ്റുകളും നൽകി ഡയറക്ടർ ഡോ: ദിലീപ് കെ, എഞ്ചിനീയറിങ് കോളേജ് പ്രിൻസിപ്പൽ ഡോ. അനൂപ് കെ ജെ, ഷാജി ആറ്റുപുറം തുടങ്ങിയവർ യോഗത്തിൽ പങ്കെടുത്തു സംസാരിച്ചു.
ഹൈദ്രാബാദ് സെൻട്രൽ യൂണിവേഴ്സിറ്റിയിൽ നിന്ന് ഡിഗ്രി പഠനത്തിനുശേഷം IAS നേടുക എന്നതാണ് തൻറെ ഉറച്ച ലക്ഷ്യമെന്ന് അനഘ തന്റെ മറുപടി പ്രസംഗത്തിൽ പറഞ്ഞു. സ്വീകരണം നൽകിയ വിസാറ്റ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസിൽ അനഘ പ്രത്യേകം നന്ദി രേഖപ്പെടുത്തി.
