ഇലഞ്ഞി: വിസാറ്റ് ആർട്സ് ആൻഡ് സയൻസ് കോളേജിന്റെ ആഭിമുഖ്യത്തിൽ വായനാദിനം ആചരിച്ചു. CMC സിസ്റ്റേഴ്സിന്‍റെ നേതൃത്വത്തിൽ ഇലഞ്ഞിയിൽ സ്ഥാപിച്ചിട്ടുള്ള സിസ്റ്റർ മേരി ജോൺ തോട്ടത്തിന്റെ പ്രതിമയിൽ പുഷ്പാർച്ചന നടത്തിയാണ് ആചാരങ്ങൾക്ക് തുടക്കമിട്ടത്.
പ്രിൻസിപ്പൽ ഡോ. രാജു മാവുങ്കൽ ആമുഖ പ്രഭാഷണം നടത്തി. സിസ്റ്റർ സുദീപ സ്മാരകത്തെ കുറിച്ചുള്ള വിവരണം നൽകി. കവിയും അധ്യാപകനുമായ ഇലഞ്ഞി മാത്യു, സിസ്റ്റർമേരി ബനീഞ്ജയുടെ 'ലോകമേ യാത്ര "എന്ന കവിത ആലപിച്ചു. വിസാറ്റ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ഡയറക്ടർ ഡോ: കെ ദിലീപ്, എൻജിനീയറിങ് കോളേജ് പ്രിൻസിപ്പാൾ ഡോ: അനൂപ് കെ ജെ, ഷാജി ആറ്റുപുറം എന്നിവരും ആർട്സ് ആൻഡ് സയൻസ് കോളേജിലെ വിദ്യാർത്ഥികളും പുഷ്പാർച്ചന നടത്തി. മേരി ജോൺ തോട്ടത്തിന്റെ സ്മാരകത്തിലുള്ള മ്യൂസിയം സന്ദർശനം വിദ്യാർത്ഥികൾക്ക് ഒരു പുതിയ അനുഭവമായി
