കൊളംബിയ : 8 മാസം ഗർഭിണിയായ ഭർത്താവിന്റെ നിറവയറിൽ സ്നേഹചുംബനം നൽകുന്ന കൊളംബിയൻ മോഡലിന്റെ ചിത്രങ്ങൾ സമൂഹ മാധ്യമങ്ങളിൽ വൈറൽ ആകുന്നു. പുരുഷനായി ജനിച്ച് സ്ത്രീയായി ജീവിക്കുന്ന ഡന്ന സുൽത്താനയാണ് സ്ത്രീയായി ജനിച്ച് പുരുഷനായി ജീവിക്കുന്ന തന്റെ ഭർത്താവ് എസ്തബാൻ ലാൻട്രയ്ക്കൊപ്പമുള്ള ചിത്രങ്ങൾ പങ്കുവെച്ചിരിക്കുന്നത്. ലവ് ഈസ് ലവ് എന്ന അടിക്കുറിപ്പോടെ 218000 ഫോളോവേഴ്സ് ഉള്ള തന്റെ ഔദ്യോഗിക ഇൻസ്റ്റാഗ്രാം അക്കൗണ്ടിലാണ് ഡന്ന ചിത്രങ്ങൾ പോസ്റ്റ് ചെയ്തിരിക്കുന്നത്.
ട്രാൻസ്ജെൻഡർ ആയതിനാൽ പ്രസവം നേരത്തെയാകുമോയെന്ന സംശയത്തിൽ സമീപത്തെ ആശുപത്രിയിൽ എസ്തബാൻ അഡ്മിറ്റ് ആകുവാൻ തീരുമാനിച്ചു. എന്നാൽ എട്ടാം മാസത്തിൽ ഇത്തരം തോന്നലുകൾ സാധാരണമാണെന്നും കുഞ്ഞിന് വളർച്ച കൂടുതലായത് കൊണ്ടാകാം ഇങ്ങനെ സംശയം എന്നുമായിരുന്നു ഡോക്ടർമാർ നൽകിയ മറുപടി. ഇതോടെ ഇരുവരും വീട്ടിലേക്ക് മടങ്ങി.
തന്റെ ഭർത്താവിന്റെ നിറവയറിന് സമീപം നിൽക്കുന്ന ഡന്നയുടെ ചിത്രങ്ങൾ സമൂഹമാധ്യമങ്ങൾ ഏറ്റെടുക്കുകയായിരുന്നു. പ്രെഗ്നൻസി കിറ്റ് പിടിച്ച് കൊണ്ട് നിൽക്കുന്ന ഇരുവരുടെയും ചിത്രം പങ്കുവെച്ചാണ് എസ്തബാൻ ഗർഭിണിയാണെന്ന വാർത്ത വാർത്ത ഇരുവരും പങ്കുവെച്ചത്. ഇവർക്ക് ആശംസകൾ നേർന്ന് നിരവധി ആളുകൾ രംഗത്തെത്തി. ട്രാൻസ് ദമ്പതികൾക്ക് ഇവർ പ്രചോദനമാണെന്നാണ് മിക്ക ആളുകളുടെയും അഭിപ്രായം.
.jpg)
.jpg)
