തിരുവനന്തപുരം: കേരളത്തില് കാലവര്ഷം എത്തി. കോഴിക്കോട് ജില്ലയില് തിങ്കളാഴ്ചയും ചൊവ്വാഴ്ചയും കേന്ദ്ര കാലാവസ്ഥ നിരീക്ഷണ വകുപ്പ് ഓറഞ്ച് അലര്ട്ട് പ്രഖ്യാപിച്ചു.
സംസ്ഥാനത്ത് ചിലയിടങ്ങളില് ശക്തമായ ഇടിമിന്നലോടു കൂടിയ മഴയ്ക്കും കാറ്റിനും സാധ്യതയുള്ളതിനാല് പൊതുജനങ്ങളും ബന്ധപ്പെട്ടവരും പ്രത്യേക ജാഗ്രത പാലിക്കണമെന്ന് ദുരന്ത നിവാരണ അതോറിറ്റി നിര്ദ്ദേശിച്ചു. ജൂണ് ഒന്നു മുതല് ജൂണ് അഞ്ച് വരെ സംസ്ഥാനത്ത് വിവിധയിടങ്ങളില് ഇടിമിന്നലോട് കൂടിയ മഴയ്ക്കും ചില നേരങ്ങളില് പൊടുന്നനെ വീശിയടിക്കുന്ന കാറ്റിനും സാധ്യതയുണ്ട്.
11 ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കണ്ണൂര് എന്നീ ജില്ലകള്ക്കാണ് ജാഗ്രതാ നിര്ദേശം നല്കിയത്.
കേരളാ തീരത്ത് മണിക്കൂറില് 60 കിലോമീറ്റര് വേഗത്തില് കാറ്റ് വീശാം. രണ്ടുമുതല് നാല് മീറ്റര് വരെ ഉയരത്തില് തിരമാലകള്ക്കും സാധ്യത. മല്സ്യബന്ധനത്തിന് പോയവര് ഉടന് കരയ്ക്കടുക്കണമെന്ന് മുന്നറിയിപ്പും നല്കിയിട്ടുണ്ട്.
