പുലിയന്നൂരിന് സമീപം റോഡിൽ പെട്ടി ഓട്ടോറിക്ഷ മറിഞ്ഞുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന ഒരാൾ മരിച്ചു. ഈരാറ്റുപേട്ട സ്വദേശി ജബ്ബാർ ആണ് മരിച്ചത്.
ചൊവ്വാഴ്ച വൈകിട്ട് മൂന്നരയോടെയാണ് പുലിയന്നൂർ കാണിക്കമണ്ഡപം ജംഗ്ഷനും അരുണാപുരത്തിനും ഇടയിൽ ഓട്ടോറിക്ഷ റോഡിൽ മറിഞ്ഞത്. ആക്രിസാധനങ്ങളുമായി പോവുകയായിരുന്ന ഓട്ടോയാണ് മറിഞ്ഞത്.
അപകടത്തിൽ ജബ്ബാറിനൊപ്പം റഹിം എന്നയാൾക്കും പരിക്കേറ്റിരുന്നു. തലയ്ക്ക് പരിക്കേറ്റ ഇരുവരെയും കോട്ടയം മെഡിക്കൽ കോളേജ്
ആശുപ്രതിയിൽ പ്രവേശിപ്പിച്ചിരിക്കുകയായിരുന്നു. ഗുരുതര പരിക്ക് പറ്റിയ ജബ്ബാർ ഇന്ന് മരണത്തിന് കീഴടങ്ങി.
