പാലാ: നഗരമേഖലയിൽ സംസ്ഥാന പാതയിൽ ചെത്തിമറ്റം ഭാഗത്തും അരുണാപുരം, പുലിയന്നൂർ ജംഗ്ഷനിലും തുടർച്ചയായി ഉണ്ടാകുന്ന വാഹനാപകടങ്ങൾ കുറയ്ക്കുവാൻ ബന്ധപ്പെട്ട വകുപ്പുകളുമായി ചർച്ച ചെയ്ത് ഈ മേഖലകൾ അപകട രഹിതമാക്കേണ്ടതിന് ആവശ്യമായ നടപടികൾക്കായി ഉടൻ ട്രാഫിക് ഉപദേശക സമിതി യോഗം വിളിച്ചു ചേർക്കുമെന്ന് നഗരസഭാ ചെയർമാൻ ആൻ്റോ പടിഞ്ഞാറേക്കര അറിയിച്ചു.
ആവശ്യമായ പരിഹാര നിർദ്ദേശങ്ങൾ സമർപ്പിക്കുവാൻ ബന്ധപ്പെട്ട വകുപ്പുകളോട് അഭ്യർത്ഥിച്ചിട്ടുള്ളതായും അപകടസ്ഥലങ്ങൾ സന്ദർശിച്ച ശേഷം ചെയർമാൻ പറഞ്ഞു.
