ചേർപ്പുങ്കൽ: ചേർപ്പുങ്കൽ ബി വി എം ഹോളി ക്രോസ്സ് കോളേജിലെ 2023 ലെ ഡിഗ്രി പരീക്ഷയിൽ ഉന്നത വിജയം കരസ്ഥമാക്കിയവരെ ആദരിച്ചു. ബി എസ് ഡബ്ല്യൂ , ബി എ വിഷ്വൽ കമ്മ്യൂണിക്കേഷൻ, ബി എ മൾട്ടീമീഡിയ, എന്നീ വിഷയങ്ങളിലായി 2 ഒന്നാം റാങ്ക് അടക്കം 7 റാങ്കുകൾ ആണ് കോളേജിന് ലഭിച്ചത്.
കോളേജ് തിയേറ്ററിൽ മാനേജർ വെരി റവ ഫാ ജോസഫ് പാനാമ്പുഴയുടെ അധ്യക്ഷതിയിൽ ചേർന്ന യോഗത്തിൽ പാലാ എം എൽ എ ശ്രീ മാണി സി കാപ്പൻ ഉപഹാരങ്ങൾ സമ്മാനിച്ചു. കോളേജ് പ്രിൻസിപ്പൽ റവ ഡോ ബേബി സെബാസ്റ്റ്യൻ തോണിക്കുഴി, കോളേജ് ബർസാർ ഫാ റോയ് മലമാക്കൽ എന്നിവർ സന്നിഹിതർ ആയിരുന്നു.
കെസിയ സാറ റോണി ഒന്നാം റാങ്ക്, മിലൻ ബിജു എട്ടാം റാങ്ക് ( ബി എസ് ഡബ്ല്യൂ) ഉണ്ണി ബി,ഒന്നാം റാങ്ക്, ആൽഫ്രഡ് തോമസ് മൂന്നാം റാങ്ക്, ആൽബിൻ ജെ പടിഞ്ഞാറേക്കര ഏഴാം റാങ്ക്, ബിന്റാ എബ്രഹാം ഒമ്പതാം റാങ്ക് (ബി എ വിഷ്വൽ കമ്മ്യൂണിക്കേഷൻ), ഗായത്രി എസ് ദേവി ഒൻപതാം റാങ്ക് (ബി എ മൾട്ടീമീഡിയ), കൂടാതെ എ പ്ലസ് വിജയികളായ അക്ഷിത എൻ കുമാർ, ജുബിൻ ജോയ്, ലിയോ സെബാസ്റ്റ്യൻ, പൗർണമി നായർ ടി എസ്, സാന്ദ്ര കൃഷ്ണ പി എസ്,( ബി സി എ ) സംയുക്ത കെ എസ് ബി എസ് സി മാത്തമാറ്റിക്സ്, എന്നിവർ ഉപഹാരങ്ങൾ ഏറ്റുവാങ്ങി.
