മഞ്ഞപ്ര: മുൻ പ്രധാന മന്ത്രിയും ഇന്ത്യൻ നാഷണൽ കോൺഗ്രസ് പ്രസിഡന്റുമായിരുന്ന രാജീവ് ഗാന്ധിയുടെ മൂപ്പത്തിരണ്ടാമത് രക്തസാക്ഷിത്വ വാർഷികം മഞ്ഞപ്ര മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ഭീകര വിരുദ്ധ ദിനമായി ആചരിച്ചു.
വടക്കുംഭാഗം ജംഗ്ഷനിൽ രാജീവ് ഗാന്ധിയുടെ ഛായാചിത്രത്തിന് മുന്നിൽ രാജീവ് സ്മരണ ഉണർത്തി പുഷ്പാർച്ചന, തിരി കത്തിക്കൽ, സർവ്വ മത പ്രാർത്ഥന, അനുസ്മരണം, പ്രതിജ്ഞ എന്നിവ നടന്നു.
കോൺഗ്രസ് മണ്ഡലം പ്രസിഡന്റ് സിജു ഈരാളി അധ്യക്ഷത വഹിച്ചു. കോൺഗ്രസ് ബ്ലോക്ക് കമ്മിറ്റി ജനറൽ സെക്രട്ടറി സാജു കോളാട്ടു കുടി ഭീകര വിരുദ്ധ ദിന പ്രതിജ്ഞ ചൊല്ലിക്കൊടുത്തു.
പഞ്ചായത്ത് മുൻ പ്രസിഡന്റ് ചെറിയാൻ തോമസ്, യൂത്ത് കോൺഗ്രസ് മണ്ഡലം പ്രസിഡൻറ് ജോമോൻ ദേവസി, കർഷക കോൺഗ്രസ് മണ്ഡലം പ്രസിഡന്റ് ബിജു പടയാടൻ, നേതാക്കളായ സാംസൺ വേലായുധൻ, ജോഷി പടയാടൻ, ഷൈബി പാപ്പച്ചൻ, ബാബു പൂണോളി, ജോൺസൺ എലിഞ്ഞേലി, രാജു ഡേവീസ്, ബിജോയ് കരിങ്ങേൻ, ബൈജു കോളാട്ടുകുടി, ബിനോയ് പാറയ്ക്ക, ദിനു ജോർജ്, ഷിജോ മാടൻ, കെ.പി. ജോണി, വർഗീസ് കൊട്ടേക്കാലി എന്നിവർ പ്രസംഗിച്ചു.
