വളര്‍ത്തു നായയ്ക്ക് ഒരു നിമിഷംപോലും തന്നെ വിട്ടുപിരിഞ്ഞ് നില്‍ക്കാനാകില്ലെന്ന് മനസിലാക്കിയ സിഡ്‌നി സ്വദേശിയായ യുവതി തന്റെ ജോലി തന്നെ ഉപേക്ഷിച്ചു.
ആഷ ധില്ലണ്‍ എന്ന ന്യൂട്രീഷനിസ്റ്റാണ് ഈ സാഹസത്തിന് മുതിര്‍ന്നത്. മുപ്പതുകാരിയായ ആഷ പ്രൊഡക്റ്റ് ഡെവലപ്‌മെന്റ് ഫീല്‍ഡിലാണ് ജോലി ചെയ്തിരുന്നത്.
താന്‍ ജോലിക്കായി വീട്ടില്‍ നിന്നിറങ്ങുമ്പോള്‍ വളര്‍ത്തുനായ കരയുമെന്നും അവന്റെ 'വിട്ടുപിരിയുന്നതിലുള്ള ഉത്കണ്ഠ' മാറ്റിയെടുക്കുക എന്നത് മാത്രമായിരുന്നു തന്റെ മുന്നിലുണ്ടായിരുന്നെന്നും ആഷ പറയുന്നു.
കോക്കര്‍ സ്പാനിയല്‍ എന്ന വിഭാഗത്തില്‍പെട്ട 'റോമിയോ' എന്ന വളര്‍ത്തുനായയാണ് അവര്‍ക്കൊപ്പമുള്ളത്. 'ഈ ഉത്കണ്ഠയുള്ളതിനാല്‍ റോമിയോ നിലവിളിച്ചുകൊണ്ടിരിക്കും. ഫര്‍ണിച്ചറുകള്‍ വലിച്ചുകീറും. ഞാന്‍ വീട്ടിലാണെങ്കില്‍ ഓരോ റൂമില്‍ പോകുമ്പോഴും എന്റെ പിന്നാലെവരും. ബാത്‌റൂമില്‍ ഒപ്പം കൊണ്ടുപോകണമെന്ന് വരെ വാശി പിടിക്കുമെന്നും ആഷ പറയുന്നു.
.jpg)
