കേരളത്തിലെ സഹകരണ മേഖലയെ ഇ.ഡിയെ ഉപയോഗിച്ച് തകർക്കുവാനുള്ള കേന്ദ്ര സർക്കാർ നടത്തുന്ന ശ്രമങ്ങൾ അവസാനിപ്പിക്കണമെന്ന് ജനാധിപത്യ കേരളാ കോൺഗ്രസ് കടുത്തുരുത്തി നിയോജക മണ്ഡലം നേതൃയോഗം ആവശ്യപെട്ടു.
യോഗത്തിൽ ചങ്ങനാശേരി നഗരസഭാ വൈസ് ചെയർമാനായി തിരഞ്ഞെടുക്കപ്പെട്ട പാർട്ടി ജില്ലാ പ്രസിഡന്റ് മാത്യൂസ് ജോർജിന് റോസാ പൂ നൽകി നിയോജക മണ്ഡലം പ്രസിഡന്റ് സന്തോഷ് കുഴിവേലി ആദരിച്ചു. ഒക്ടോബർ 9 ന് കേരളാ കോൺഗ്രസ് ജൻമദിനം സമുചിതമായി ആചരിക്കുവാനും യോഗം തീരുമാനിച്ചു.
പാർട്ടി നിയോജക മണ്ഡലം പ്രസിഡന്റ് സന്തോഷ് കുഴിവേലിയുടെ അദ്ധ്യക്ഷതയിൽ ചേർന്ന യോഗത്തിൽ മെറ്റൽ ഇൻഡസ്ട്രിസ് ചെയർമാനും സംസ്ഥാന ജനറൽ സെക്രട്ടറിയും മായ അഡ്വ. ഫ്രാൻസീസ് തോമസ്, ജയിംസ് കുര്യൻ, മാത്യൂസ് ജോർജ്, പ്രെഫ. അഗസ്റ്റ്യൻ ചിറയിൽ, പാപ്പച്ചൻ വാഴയിൽ, അനിൽ വെങ്ങണിക്കൽ ,ജോർജ് മരങ്ങോലി, അനിൽ കാട്ടാത്തുവാലയിൽ തുടങ്ങിയവർ പ്രസംഗിച്ചു.
