മുഖക്കുരുവിനെ പ്രതിരോധിക്കാനായി നിരവധി ക്രീമുകളും തൈലങ്ങളും മാറി മാറി പരീക്ഷിക്കുന്നവരാണ് നമ്മളെല്ലാം. ഇതെല്ലാം ഉപയോഗിച്ച് നിങ്ങൾക്ക് മടുത്തു തുടങ്ങിയെങ്കിൽ, ശരിയായതും പ്രകൃതിദത്തമായതുമായ വീട്ടുവൈദ്യത്തിലേക്ക് തിരികെ പോകേണ്ട സമയമാണിത്. കറുവാപ്പട്ട എന്ന ഈ മാന്ത്രിക സുഗന്ധവ്യഞ്ജനം മുഖക്കുരുവുമായി ബന്ധപ്പെട്ട എല്ലാ പ്രശ്നങ്ങളെയും ഒഴിവാക്കാൻ സഹായിക്കുന്നു. കൂടാതെ കറുത്തപാടുകൾ, ചർമത്തിലുണ്ടാകുന്ന നിറം മങ്ങൽ തുടങ്ങിയവയ്ക്കും ഉത്തമ പരിഹാരമാണ് ഇത്.
3 ടീസ്പൂൺ തേനിനോടൊപ്പം, 1 ടീസ്പൂൺ കറുവപ്പട്ട പൊടിച്ചതും ഏതാനും തുള്ളി നാരങ്ങ നീരും ചേർത്ത് മിക്സ് ചെയ്യുക. കട്ടിയുള്ള ഈ പേസ്റ്റ് ബാധിത പ്രദേശങ്ങളിൽ തേച്ചു ഒരു രാത്രി മുഴുവൻ അനക്കാതെ വയ്ക്കുക. രാവിലെ ഉണർന്നെണീറ്റ ശേഷം തണുത്ത വെള്ളത്തിൽ കഴുകിക്കളയാം. കുറച്ചുനാൾ ഇത് ശീലമാക്കിയാൽ മുഖക്കുരുവിനോട് നിങ്ങൾക്ക് വേഗത്തിൽ വിടപറയാം.
