പൂഞ്ഞാർ കോവിലകം വലിയരാജാ തിരുവോണം നാൾ പി ജി ഗോദവർമ്മരാജാ (95) അന്തരിച്ചു. ഇന്ന് വൈകുന്നേരം പൂഞ്ഞാർ കൊട്ടാരത്തിൽ ഭൗതിക ശരീരം എത്തിക്കും. സംസ്കാരം പൂഞ്ഞാർ രാജകുടുംബ ശ്മശാനത്തിൽ ഇന്ന് രാത്രി 9 മണിക്ക് നടക്കും.
ഭാര്യ പരേതയായ ഭവാനി തമ്പുരാട്ടി . മക്കൾ രാധാ വർമ്മ (തിരുവനന്തപുരം ), ശ്രീരാജ് വർമ്മ (തൃപ്പൂണിത്തുറ ), രേവതിവർമ്മ (തൃശൂർ )
മരുമക്കൾ മോഹനവർമ്മ (പന്തളം കൊട്ടാരം ), ഉമാവർമ്മ (പൂഞ്ഞാർ ), സുരേഷ്‌കുമാർ വർമ്മ (പൂഞ്ഞാർ )
പൂഞ്ഞാർ രാജ കുടുബത്തിലെ ഏറ്റവും പ്രായ ചെന്ന തമ്പുരാനാണ് രാജാവകാശം ലഭിക്കുന്നത്. അടുത്ത പൂഞ്ഞാർ വലിയ തമ്പുരാൻ ജയരാജൻ വർമ്മ തൃപ്പൂണിത്തുറ ആണ് . പൂഞ്ഞാർ മധുര മീനാക്ഷി ക്ഷേത്രത്തിൽ വെച്ചു നടക്കുന്ന ചെറിയ ചടങ്ങിൽ അദ്ദേഹം വലിയ തമ്പുരാനായി സ്ഥാനമേല്ക്കും.
