ഭരണങ്ങാനം: മുൻ എംഎൽഎ വി.ജെ ജോസഫിൻ്റെ ജീവചരിത്ര പുസ്തകമായ പ്രൊഫ വി.ജെ ജോസഫ് എക്സ് എം എൽ എ കാലത്തിനു മുമ്പേ നടന്ന പൊതുപ്രവർത്തകൻ എന്ന പുസ്തകത്തെക്കുറിച്ച് സംഘടിപ്പിച്ച അവലോകനവും പ്രൊഫ വി.ജെ ജോസഫിനെ ആദരിക്കലും നടന്നു. അരുവിത്തുറ സെൻ്റ് ജോർജ് പള്ളി വികാരി ഫാ അഗസ്റ്റിൻ പാലക്കാപറമ്പിൽ ഉദ്ഘാടനം ചെയ്തു.
സത്യസന്ധനായ പൊതുപ്രവർത്തകനെന്ന നിലയിലാണ് പ്രൊഫ വി ജെ ജോസഫിന് സമൂഹത്തിലെ സ്ഥാനമെന്ന് അദ്ദേഹം പറഞ്ഞു. ആൻ്റോ മാങ്കൂട്ടം പുസ്തക പരിചയം നടത്തി.
ഡോ പി.ജെ സെബാസ്റ്റ്യൻ, പ്രൊഫ കെ.പി ജോസഫ്, അഡ്വ സിറിയക് കുര്യൻ, ബിഷപ്പ് വയലിൽ ഫൗണ്ടേഷൻ ജനറൽ സെക്രട്ടറി എബി ജെ ജോസ്, പ്രൊഫ കെ.പി ആഗസ്തി എന്നിവർ പ്രസംഗിച്ചു.
പ്രൊഫ വി.ജെ ജോസഫ് മറുപടി പ്രസംഗം നടത്തി. ഡോ പി.ജെ സെബാസ്റ്റ്യൻ, പ്രൊഫ കെ.പി ആഗസ്തി, പ്രൊഫ ഡാൻ്റി ജോസഫ് എന്നിവർ ചേർന്നാണ് പുസ്തകം രചിച്ചത്.
0 Comments