ഓണ്‍ലൈന്‍ ക്ലാസെടുക്കാന്‍ എത്തിയ അധ്യാപികമാര്‍ക്കെതിരെ സോഷ്യല്‍ മീഡിയയില്‍ നിറയുന്ന അശ്ലീല കമന്റുകള്‍ക്കെതിരെ നിരവധി പേരാണ് പ്രതികരണവുമായി എത്തിയത്. മോശം രീതിയില്‍ ഉള്ള കമന്റ് പോസ്റ്റ് ചെയ്തവര്‍ക്കെതിരെ നിയമ നടപടിയ്ക്ക് സര്‍ക്കാര്‍ ഒരുങ്ങിയിട്ടുണ്ട്. ഇപ്പോഴിതാ നടി വിനിത കോശി ഈ വിഷയവുമായി ബന്ധപ്പെട്ട് ഫെയ്‌സ്ബുക്കില്‍ പങ്കുവച്ച പോസ്റ്റ് ഇതിനോടകം ശ്രദ്ദേയം ആകുകയാണ്.
പ്ലസ് ടു വിദ്യാര്‍ഥികള്‍ക്ക് ഇംഗ്ലിഷ് ക്ലാസ്സെടുക്കാന്‍ വന്ന ടീച്ചര്‍ക്കു നേരെയായിരുന്നു സൈബര്‍ ആക്രമണം അഴിച്ച് വിട്ടത്. ടീച്ചര്‍ നീല സാരിയില്‍ എത്തിയതിനാല്‍ 'ബ്ലൂ ടീച്ചര്‍' എന്ന പേരില്‍ ഗ്രൂപ്പുകളുണ്ടാക്കി അതില്‍ അശ്ലീല ചുവയുള്ള കമന്റുകളും പോസ്റ്റുകളും സമൂഹമാധ്യമത്തിലിട്ട് ചിലര്‍ ആഘോഷിക്കുകയാണ്. ഈ കമന്റ് പറഞ്ഞ ചേട്ടന്മാരെ നമ്മക്ക് ഒരിക്കലും തെറ്റ് പറയാന്‍ പറ്റില്ല കാരണം ഇത് ഒരുതരം രോഗം ആണ്. ഇതിനു എതിരെ എത്ര പ്രക്ഷോഭം നടന്നാലും ഇതൊന്നും മാറാനും പോകുന്നില്ലെന്ന് നടി എഴുതുകയാണ്.
കുറിപ്പ് വായിക്കാം:
ഈ മുകളില്‍ കാണുന്ന screeshots ഒക്കെ കുട്ടികള്‍ക്ക് ഓണ്‍ലൈന്‍ ക്ലാസ്സ് എടുത്ത ഒരു ടീച്ചര്‍ നെ പറ്റിയാണ്. ടീച്ചര്‍ ഇപ്പോ ഓര്‍ക്കുന്നുണ്ടാവും ഏതു നേരത്താണോ നീല സാരി ഉടുക്കാന്‍ തോന്നിയത് എന്ന് . സത്യത്തില്‍ ടീച്ചര്‍ ഇനി ഏതു കളര്‍ സാരി ഉടുത്താലും ഇതൊക്കെ തന്നെ കേക്കേണ്ടി വന്നേനെ. ഈ കമന്റ് പറഞ്ഞ ചേട്ടന്മാരെ നമ്മക്ക് ഒരിക്കലും തെറ്റ് പറയാന്‍ പറ്റില്ല കാരണം ഇത് ഒരുതരം രോഗം ആണ്. ഇതിനു എതിരെ എത്ര protest നടന്നാലും ഇതൊന്നും മാറാനും പോണില്ല. പക്ഷെ ചില പൊടി കൈകള്‍ ഉപയോഗിച്ച് ഇത് വീട്ടില്‍ തന്നെ മാറ്റാന്‍ കഴിയും
ചെയ്യണ്ടത് ഇത്ര മാത്രം :ആദ്യം നിങ്ങള്‍ക്കു ഏറ്റവും പ്രിയപ്പെട്ട ഒരു പെണ്‍കുട്ടിയുടെ അല്ലെങ്കില്‍ ഭാര്യയുടെയോ അമ്മയുടേയോ ഫോട്ടോ/വീഡിയോ എടുക്കുക എന്നിട്ടു ഈ ടീച്ചര്‍ നെ പറഞ്ഞ അതെ കമന്റ് ഒക്കെ പറഞ്ഞു നോക്കുക. എന്നും ഇത് മുടക്കം വരാതെ കൃത്യമായി ചെയ്യുക. ഉറപ്പായും ഭേദം ഉണ്ടാകും. ഇതൊക്കെ വീട്ടില്‍ താനെ തീര്‍ക്കാവുന്ന രോഗമേ ഉള്ളു. അതിനു ഇനി പോലീസ് നെ ഒക്കെ ഇടപെടുത്തി, ഈ covid കാലത്തു അവര്‍ക്കു കൂടുതല്‍ തലവേദന ഉണ്ടാക്കണോ. മാത്രമല്ല വല്ലവന്റേം പെണ്ണിനേയും ഭാര്യെനെയും അമ്മയേം ഒക്കെ പറഞ്ഞു നാട്ടുകാരുടെ കൈയില്‍ നിന്ന് ഇത്രേം തെറിയും വാങ്ങേണ്ട ആവശ്യവും ഇല്ല.
NB : ഗുരുക്കന്മാരെ എന്നും ആദരവോടെ കണ്ട നാടാണിതു അതും കൂടി ഇല്ല എന്ന് കേള്‍പ്പിക്കേണ്ടി വരുത്തലെ
