പാലാ: പാലാ നിയോജകമണ്ഡലത്തിലെ വിവിധ ഗ്രാമീണറോഡുകളുടെ പുനരുദ്ധാരണത്തിന് വെള്ളപ്പൊക്ക ദുരിതാശ്വാസപദ്ധതിയിൽ നിന്നും 57.50 ലക്ഷം രൂപയുടെ അനുമതി ലഭിച്ചതായി ജോസ് കെ.മാണി എം.പി അറിയിച്ചു. റോഡുകളുടെ പുനരുദ്ധാരണത്തിന് തുക അനുവദിക്കുന്നതുമായി ബന്ധപ്പെട്ട് റവന്യൂവകുപ്പ് മന്ത്രിയുമായി ചർച്ചനടത്തിയിരുന്നുവെന്നും ജോസ് കെ. മാണി പറഞ്ഞു.
കരൂർ പഞ്ചായത്തിലെ ഇടനാട് എൻ.എസ്.എസ് ഹൈസ്‌ക്കൂൾ ചെല്ലിയിൽ റോഡ് (4,75,000), കടനാട് പഞ്ചായത്തിലെ കടനാട് കവുങ്ങുമറ്റം വാളികുളം റോഡ് (10,00,000) മീനച്ചിൽ പഞ്ചായത്തിലെ പച്ചാത്തോട് വലിയകൊട്ടാരം റോഡ് (4,75,000) മുത്തോലി പഞ്ചായത്തിലെ മരിയൻ മണലേൽ റോഡ് (4,75,000) എലിക്കുളം പഞ്ചായത്തിലെ പൈക തിയേറ്റർപടി ഭജനമഠം റോഡ് (4,75,000)
കൊഴുവനാൽ പഞ്ചായത്തിലെ മലയിരുത്തി ഇളപ്പുങ്കൽ റോഡ് (4,75,000) മേലുകാവ് പഞ്ചായത്തിലെ ഉപ്പുടുപ്പാറ ഇരുമാപ്രമറ്റംപള്ളി വാകക്കാട് റോഡ് (4,75,000) ഭരണങ്ങാനം പഞ്ചായത്തിലെ കയ്യൂർ മാടപ്പാറ ഇടമറുക് റോഡ് (4,75,000) രാമപുരം പഞ്ചായത്തിലെ ഇരുമ്പൂഴി ചിറക്കപ്പാറ റോഡ് (4,75,000) ചെല്ലിക്കുന്ന് അങ്കണവാടി ഏഴാച്ചേരി കുരിശുപള്ളി റോഡ് (4,75,000) തലപ്പലം പഞ്ചായത്തിലെ വലിയമംഗലം ചിലച്ചി ഇടമറുക് റോഡ് (4,75,000) എന്നീ റോഡുകൾക്കാണ് അനുമതി ലഭിച്ചതെന്ന് ജോസ്.കെ. മാണി എം.പി പറഞ്ഞു.
