പാലാ: സെന്റ്.തോമസ് കോളേജില്‍ 42-ാമത് ബിഷപ് വയലില്‍ ഇന്റര്‍ കൊളീജിയേറ്റ് വോളിബോള്‍ ടൂര്‍ണമെന്റിന് തുടക്കമായി. ജോസ് കെ മാണി എംപി മത്സരങ്ങളുടെ ഉദ്ഘാടനം നിര്‍വ്വഹിച്ചു.
പ്രിന്‍സിപ്പല്‍ ഡോ.ജെയിംസ് ജോണ്‍ അദ്ധ്യക്ഷനായിരുന്നു. ദേശീയ ഗെയിംസില്‍ വെള്ളി മെഡല്‍ നേടിയ അഷിത ഹരിയെ ചടങ്ങില്‍ ആദരിച്ചു.
ജിമ്മി ജോര്‍ജ്ജ് സ്മാരക വോളിബോള്‍ കോര്‍ട്ടില്‍ നടക്കുന്ന ചാമ്പ്യന്‍ഷിപ്പില്‍ പത്ത് പുരുഷ വിഭാഗം ടീമുകളും, 5 വനിതാ വിഭാഗം ടീമുകളുമാണ് പങ്കെടുക്കുന്നത്.
ഉദ്ഘാടന മത്സരത്തില്‍ പാലാ സെന്റ്.തോമസ് കോളേജും കോഴഞ്ചേരി സെന്റ്‌തോമസ് കോളേജും ഏറ്റുമുട്ടി. എസ്.എച്ച് തേവരയും സി.എം.എസ് കോട്ടയവും തമ്മിലും, സെന്റ് ജോര്‍ജ്ജ് അരുവിത്തുറയും സെന്റ് പീറ്റേഴ്‌സ് കോലഞ്ചേരിയും തമ്മിലുള്ള മത്സരങ്ങളും ആദ്യ ദിനത്തില്‍ നടന്നു. ടൂര്‍ണമെന്റ് ഒക്ടോബര്‍ 19ന് സമാപിക്കും.
