പാലാ: കേന്ദ്ര - സംസ്ഥാന സർക്കാരുകളുടെ കർഷകക്ഷേമ പദ്ധതികളുടെ ഭാഗമായി കോട്ടയം ജില്ലയിൽ കർഷക ഉല്പാദക കമ്പനികൾ രൂപീകരിക്കുകയാണ്. ഈരാറ്റുപേട്ട, വൈക്കം, പളളം ബ്ലോക്കുകളിൽ പദ്ധതിയുടെ നിർവ്വഹണ ഏജൻസിയായ നാഷണൽ കോ ഓപ്പറേറ്റീവ് ഡവലപ്മെന്റ് കോർപ്പറേഷന്റെ നേതൃത്വത്തിൽ ക്ലസ്റ്റർ ബെയ്സ്ഡ് ഡവലപ്മെന്റ് ഓർഗെനൈസേഷനായ പാലാ സോഷ്യൽ വെൽഫെയർ സൊസൈറ്റിയാണ് കർഷക കമ്പനികളുടെ രൂപീകരണ പ്രവർത്തനങ്ങൾ നടത്തുക.
കർഷകർക്ക് തൊഴിലവസരങ്ങളും കാർഷിക സംരംഭങ്ങൾക്ക് ധനസഹായങ്ങളും ഉറപ്പു വരുത്തുന്ന കർഷക ഉൽപാദക കമ്പനികൾ ആരംഭിക്കാൻ ആഗ്രഹിക്കുന്ന കർഷക കൂട്ടായ്മകൾ 9961668240 / 9447601428 എന്ന നമ്പറിൽ ബന്ധപ്പെടണം. ഈ രംഗത്ത് എഫ്.പി.ഒ ഓർഗനൈസർമാരായി പ്രവർത്തിക്കാൻ ആഗ്രഹിക്കുന്നവർ തങ്ങളുടെ ബയോഡേറ്റ fpopsws@gmail.com എന്ന വിലാസത്തിൽ അയച്ചു തരണം.
