പാലാ: പരിശുദ്ധ ഗാഡലുപ്പെ മാതാവിന്റെ നാമധേയത്തിൽ ഏഷ്യയിലാദ്യമായി സ്ഥാപിതമായതും പരിശുദ്ധ മാതാവ് പ്രത്യക്ഷ ദർശനമരുളിയ മെക്സിക്കോയിൽനിന്നുള്ള തിരുസ്വരൂപം പ്രതിഷ്ഠിക്കപ്പെട്ടതുമായ പാലായിലെ പരിശുദ്ധ ഗാഡലൂപ്പെ മാതാ ഇടവക ദൈവാലയത്തിൽ പരി. ഗാഡലൂപ്പെ മാതാവിന്റെ മദ്ധ്യസ്ഥത്തിരുനാൾ ഡിസംബർ 3 ഞായർ മുതൽ 12 ചൊവ്വവരെ ഭക്തിനിർഭരമായി ആഘോഷിക്കുന്നു.
തിരുനാൾ ദിനങ്ങളിൽ വിശുദ്ധ കുർബാനയിലും നൊവേനയിലും മറ്റു തിരുക്കർമ്മങ്ങളിലും വിശ്വാസപൂർവം പങ്കെടുത്ത് അനുഗ്രഹങ്ങൾ പ്രാപിക്കുവാൻ പരിശുദ്ധ ഗാഡലുപ്പെമാതാസന്നിധിയിലേക്ക് ഏവരെയും എത്തിച്ചേരണമെന്ന് ഇടവകവികാരി ഫാ.ജോഷി പുതുപ്പറമ്പിൽ പറഞ്ഞു. ഇടവക സെക്രട്ടറി ജോർജ് പള്ളിപ്പറമ്പിൽ, ജനറൽ കൺവീനർ ഷിബു വിൽഫ്രഡ് ബഥേൽ , ഇടവകവികാരി ഫാ.ജോഷി പുതുപ്പറമ്പിൽ എന്നിവർ ഇതുസംബന്ധിച്ച വാർത്താ സമ്മേളനത്തിൽ പങ്കെടുത്തു.
