ചെറുപുഷ്പ മിഷൻലീഗ് കാവുംകണ്ടം ശാഖയുടെ ആഭിമുഖ്യത്തിൽ പ്ലാറ്റിനം ജൂബിലിയോട് അനുബന്ധിച്ച് ഇടവകയിലെ മുൻകാല മിഷൻലീഗ് പ്രവർത്തകാംഗങ്ങളെ പാരിഷ് ഹാളിൽ നടന്ന ചടങ്ങിൽ ആദരിച്ചു.
അജോ വാധ്യാനത്തിൽ സമ്മേളനത്തിൽ അധ്യക്ഷത വഹിച്ചു. ബിൻസി ഞള്ളായിൽ ആമുഖപ്രഭാഷണം നടത്തി. വികാരി ഫാ. സ്കറിയ വേകത്താനം മുഖ്യപ്രഭാഷണം നടത്തി.
കാവുംകണ്ടം ഇടവകയിലെ ആദ്യകാല മിഷൻ ലീഗ് അംഗങ്ങളായ കുഞ്ഞേട്ടൻ ചിറപ്പുറത്തേൽ, ദേവസ്യ കൂനംപാറയിൽ എന്നിവരെ ചടങ്ങിൽ വികാരി ഫാ. സ്കറിയ വേകത്താനം പൊന്നാട അണിയിച്ച് ആദരിക്കുകയും ഉപഹാരങ്ങൾ നൽകുകയും ചെയ്തു.
കുഞ്ഞേട്ടൻ ചിറപ്പുറത്തേലും ദേവസ്യ കൂനംപാറയിലും മറുപടി പ്രസംഗം നടത്തി. തുടർന്ന് മിഷൻ ലീഗ് അംഗങ്ങൾ വിവിധ കലാപരിപാടികൾ അവതരിപ്പിച്ചു.
ഹെഡ്മാസ്റ്റർ സണ്ണി വാഴയിൽ, ആര്യ പീടികയ്ക്കൽ, ജോയൽ ആമിക്കാട്ട്, ഡെന്നി കൂനാനിക്കൽ, തെരേസ് കൊന്നയ്ക്കൽ, ജെസ്ന കല്ലാച്ചേരിൽ തുടങ്ങിയവർ പരിപാടികൾക്ക് നേതൃത്വം നൽകി.
